الاحلام حاجه غريبه فعلا .....سبحان الله !!
في ناس علي مدار التاريخ حلمت باحلام غريبه وكان تفسيرها علامات فراقة في التاريخ كله نقول امثله :
طبعا الحلمين بتوع الرجلين اللي كانوا في السجن مع (سيدنا يوسف عليه السلام) وكلنا عارفين القصه وازاي ان تفسير سيدنا يوسف للاحلام اهّله ان ملك مصر يطلبه عشان يفسر له حلمه وصعود سيدنا يوسف.. الخ الخ
حلم فرعون اللي شاف فيه نار جاءت من بيت المقدس احرقت بيوت المصريين وتركت بني اسرائيل فقط وكان تفسير الحلم هو ميلاد نبي من بني اسرئيل (سيدنا موسي عليه السلام ) يأخذ ملك فرعون وطبعا فرعون قعد يقتل في كل الاطفال اللي بتتولد وام سيدنا موسي (رمته في اليم) ووقع في ايد فرعون وعاش في بيت فرعون نفسه !! وكان موت فرعوت بسببه !
حلم النمروذ بولادة سيدنا ابراهيم (عليه الصلاة والسلام) وكان شبيه جدا بقصه فرعون مع سيدنا موسي... النمروذ قتل كل الاطفال اللي بتتولد لانه كان خايف علي ملكه بس طبعا قدر ربنا لا يرد... و ولد سيدنا ابراهيم وكان هلاك النمروذ علي ايده برده...!
حلم سيدنا ابراهيم انه يذبح ابنه سيدنا اسماعيل ...وتنفيذ سيدنا ابراهيم للامر الالهي بمنتهي الروعه ومنتهي الايمان بالله (مش اي حد غير ابو الانبياء ممكن يعمل كده بسهوله) ...وفي النهايه نزول الكبش السماوي وفداء سيدنا اسماعيل واصبح اليوم ده هو يوم عيد (الاضحي)
حلم هتلر في احد الحروب لما شاف نفسه في الحلم تحت انقاض ومعادن منصهره ونار زي متكون انقاض انفجار قنبله ....ويصحي هتلر مفزوع ومهموم ويسيب الخندق اللي كان فيه ويتمشي لمكان تاني ...ولما رجع لقي الخندق دكته (قذيفه مدفع او قنبله) والجثث يغطيها الانقاض والنار..!! وبعدها اصبح عنده قناعه انه شخص غير عادي وموجود لمهمه غير عاديه.... وفعلا هو كان سفاح بدرجه غير عاديه..!
حلم فريدرتش أوجست عالم الكيمياء الالماني لما اكتشف حلقه البنزين من خلال حلم شاف فيه ثعبان التف وعمل دائرة ومن هنا جائت فكره حلقه البنزين ويمكن كان سبب في توسع علم الكيمياء العضويه كلها...!!
حلم احد الصحابه بكيفيه الاذان احد الصحابه (عبد الله بن يزيد) قال رأيت في المنام رجلا عليه ثوبان أخضران يحمل ناقوسا فقلت يا عبد الله أتبيع الناقوس قال وماذا تصنع به قلت ننادي به للصلاة قال أفلا أدلك على ما هو خير لك من ذلك قلت بلى قال تقول الله أكبر الله اكبر....الي اخر صيغه الاذان
قال الرسول (صلي الله عليه وسلم):انها لرؤيا حق
وامر الرسول عبد الله بن يزيد ان يلقن الصيغه لسيدنا (بلال رضي الله عنهما) لان صوته اجمل فلما اذن سيدنا بلال جاء سيدنا عمر بن الخطاب (رضي الله عنه) لما سمع النداء وقال لقد رايت نفس الرؤيا…! فقال الرسول الحمد لله فذاك اثبت .
كان ابن سيرين في بيته ومعاه اخته وكان بياكل دخلت امرأه وقالت له عندي رؤيا
فقال لها اتنتظرينني حتي آكل ام تقصي الرؤيا
قالت بل كل فاكل ثم قال لها قصي الرؤيا
قالت لقد رأيت القمر يدخل الثريا(الثريا دي علي ما اعتقد لمبه الجاز علي ايامهم ونجفه علي ايامنا )ومناديا ينادي من خلفي اذهبي الي ابن سيرين وقصي رؤياكي
قال لها ابن سيرين ويلك (ويلك دي بمثابه الله يخرب بيت اهلك في العصر الحالي وهتعرفوا دلوقتي ليه)وماذا رأيت ؟
فقصت الرؤيا مره اخري فتغير لونه ومسك بطنه
قالت له اخته مالك يا اخي
فقال لها لقد زعمت تلك المرأه اني ميت بعد سبعه ايام
وفعلا مات في اليوم السابع...............!!!!!
